कांग्रेस नेता डा. भण्डारीले एमाले अध्यक्ष केपी शर्मा ओलीको गरे प्रशंसा

अनिल खत्री

९ मंसिर, गुल्मी । नेपाली कांग्रेसका केन्द्रिय सदस्य डाक्टर चन्द्रकान्त भण्डारीले नेकपा एमालेका अध्यक्ष केपी शर्मा ओलीको प्रशंसा गरेका छन् । नेपाली कांग्रेस गुल्मीको दोस्रो जिल्ला सम्मेलनमा भण्डारीले ग्यास सिलिण्डर दुर्घटनामा घाइते भएको बेला देखाएको सहयोगको प्रशंसा गरेका हुन् ।

गएको चैत १३ गते एमाले गुल्मीको ‘मिसन ग्रासरुट’ अभियानअन्तर्गत बृहत् प्रशिक्षण कार्यक्रममा एमाले अध्यक्ष ओलीले डाक्टर चन्द्र भण्डारी जस्तो मान्छे नेपाल भर तीन फन्को लगाउदा पनि यति राम्रो मान्छे नभेको भनेर प्रशंसा गरेका थिए । ग्यास सिलिण्डर दुर्घटनामा घाइते भएका भण्डारीलाई स्वास्थ्य लाभको कामना गर्ने क्रममा एमाले अध्यक्ष ओलीले भण्डारी कांग्रेस भित्रको राम्रो नेता भएको प्रति इंगित गरेका थिए ।

त्यो प्रशंसालाई शनिबार गुल्मी कांग्रेसले तम्घासमा राखेको कार्यक्रममा एमाले अध्यक्ष ओलीको भण्डारीखुलेरै प्रशंसा गरेका हुन् । उनले आफनो जन्म जिल्लामा आएको बेलामा एमाले अध्यक्ष केपी ओली ज्यूले गर्नुभएको सम्झनाको प्रशंसा गर्न चाहन्छु, नेता भण्डारीले भने,‘ ग्यास सिलिन्डर फडकेर घाइते भएको बेलामा पनि ओली धेरै सहयोग र घाइते अवस्थामा उच्च मनोबल हुने गरि सहयोग भयो’ ।

गत फागुन ३ गते ग्यास सिलिण्डर दुर्घटनामा घाइते भएका भण्डारी करिव ९ महिना लामो उपचार पछि पहिलो पटक सार्वजनिक कार्यक्रममा सहभागि भएका हुन् ।