उद्योग दिवशको अवशरमा गुल्मीमा ६५ उत्कृष्ट उद्यमीहरु सम्मानित 

गुल्मी, ९ मंसिर । उद्योग दिवशको अवशरमा गुल्मीमा उत्कृष्ट उद्यमीहरुलाई सम्मान गरिएको छ । उद्योग दिवशको अवशर पारेर सदरमुकाम तम्घासमा आईतबार जिल्लाका ८० जना उद्यमीहरु सम्मानित हुनुभएको हो । सेवा प्रदायक कार्यालयहरुले एकै पटक जिल्लामा यति धेरै उद्यमीहरुलाई सम्मान गरेसँगै उद्यमीहरु पनि निकै खुसि बनेका छन ।

घरेलु तथा साना उद्योग कार्यालय गुल्मीले दशौं उद्योग दिवश–२०८१ को अवशरमा आइतबार जिल्लाका ६५ जना उत्कृष्ट उद्यमीहरूलाई सम्मान गरेको छ । जिल्लाका १२ वटै स्थानीयतहमा कृषि, फलफुल, पशुपालन लगायतका क्षेत्रमा लामो समयदेखि व्यावसाय गर्दै आउनुभएका उद्यमीहरुलाई दिवशको अवशर पारेरसम्मान गरिएको घरेलु तथा साना उद्योग कार्यालय गुल्मीका प्रमुख राजीव अर्यालले जानकारी दिनुभयो ।

जिल्लाका उद्यमी व्यवसायीहरुलाई थप उर्जाशील बनाउँदै उनीहरुमा उत्प्रेरणा जगाउनका लागि कार्यालयले १२ वटै स्थानीयतहबाट उत्कृष्ट उद्यमीहरु छनोटगरि सम्मान गर्ने कामको शुरुवात गरेको कार्यालय प्रमुख अर्यालले जानकारी दिनुभयो । घरेलु कार्यालयले आइतबार उत्कृष्ट कर्मचारीको रुपमा त्रिबिक्रम ज्ञवालीलाई समेत कार्यक्रमका प्रमुख अतिथि रेसुंगा नगरपालिकाका प्रमुख खिलध्वज पन्थी एवं विशिष्ट अतिथि प्रमुख जिल्ला अधिकारी जनार्दन गौतमले सम्मान गर्नु भएको थियो ।