८ बैशाख २०८२, सोमबार
गुल्मीमा जिप दुर्घटना, तीन जना घाईते

जनार्दन घिमिरे
गुल्मी, २ वैशाख । गुल्मीको कालीगण्डकी गाउँपालिकामा जिप दुर्घटनाहुँदा तीन जना घाईते हुनुभएको छ । जिल्लाको सत्यवती गाउँपालिकाबाट कालीगण्डकीको पुर्तीघाटतर्फ जाँदै गरेको लु ३ च ६४५६ नम्बरको जिप गएराती कालीगण्डकी –४ सैरेनी स्थित भित्री सडक खण्डमा दुर्घटना भएको हो ।
दुर्घटनामा कालीगण्डकी गाउँपालिका –५ फोक्सिङ्का ४१ वर्षीय क्षेत्र बहादुर थापा, १६ वर्षीय दिपेन्द्र राना र २२ वर्षीय कृष्ण राना घाईते भएकोे जिल्ला प्रहरी कार्यालय गुल्मीले जनाएको छ । जिप अचानक ब्रेक फेलभई भित्तामा ठोक्किन जाँदा जीप चालक सहित पाँच जना मध्य तीन जना घाईते हुनुभएको हो ।
घाईतेहरुलाई उपचारका लागि रातीनै मिसन अस्पताल तानसेन पाल्पामा पठाईएको वडाध्यक्ष होम बहादुर थापाले जनाकारी दिनुभएको छ । घटनाको जानकारी पाएपछि रातीनै पुर्तिघाटबाट प्रहरी टोली घटनास्थल पुगि घाईतेहरुको उद्धार गरेको प्रहरी नायब उपरीक्षक गंगाबहादुर सारुले जानकारी दिनुभयो ।