इस्मा आगोलागीबाट १९९ जना नागरिक प्रभावित, घर निर्माणका लागि १ लाख सहयोग

अनिल खत्री

१२ वैशाख, गुल्मी । गुल्मी जिल्लाको इस्मा गाउँपालिमा आगोलागीबाट १९९ जना नागरिक प्रभावित भएका छन् । गएको वैशाख ८ गते शनिबार दिउँसो स्थानीय सामुदायिक जंगलबाट फैलिएको आगो बस्तीमा पुग्दा करोडौंको क्षती भएको थियो ।

आगोलागीबाट घर गोठ जलेर नष्ट हुँदा १९९ जना नागरिक प्भावित भएका हुन् । घर जल्दा खुल्ला आकाश मुनी बस्न बाध्य नागरिम अहिले छिमेकीको घरमा आश्रय लिएर बस्दै आएका छन् ।

आगोलागीबाट इस्मा गाउँपालिकाका विभिन्न वडाहरुमा क्षति पुगेको छ । गाउँपालिकाको वडानम्बर–२ को सिदुङखा, हाडीखोला, मैनडाँडा, वडानम्बर–४ को कोटकोटेरी टिम्लेखर्क, मडकिन र वडानम्बर–६ को बुल्ममा आगोलागीबाट २६ वटा घर गोठ जलेर नष्ट भएका छन् ।

त्यस्तै ४९ वटा गोठ जलेर नष्ट भएका छन् । आगोलागीमा एउटा ट्याक्टरमा आगोलागी हुँदा २ जन घाइते भएका छन् । ५६ वटा पशुचौपाय जलेर नष्ट भएका छन् ।

ग्नी पिडितहरुका लागि विभिन्न संघ संस्थाले राहत सामाग्री प्रदान गर्ने क्रम बढदै गएको छ । जिल्ला र जिल्ला बाहिरबाट विभिन्न संघ संस्थाले अग्नी पिडितहरुका लागि सामाग्री पुर्याउने काम गरेका छन् ।

यसै क्रममा रोटरी क्लव गुल्मी रेसुङ्गा, र कपडा तथा फेन्सी व्यवसायीले खाद्यन्न, कपडा, बाल्टी, जग लगायतका सामाग्रीहरु सहयोग गरेका छन् । त्यस्तै गुल्मी उद्योग वाणिज्य संघ, विभिन्न स्थानका सम्पर्क मञ्च लगायत अरु धेरै संघसंथाले सहयोग गरेका छन् ।

राहत वितरणका लागि एकद्धार प्रणालीबाट प्रदान गरिएको छ । विभिन्न संघ संस्थाले प्रदान गर्ने राहतलाई स्थानीय स्तरमा समिति बनाएर वितरण कार्यलाई प्रभावकारी बनाइएको छ ।

अहिले पहिलो चरणको राहत सहयोगका काम सम्पन्न भएका छन् । जस अनुसार प्रभावित नागरिकलाई खाद्यन्न, लत्ताकपडा लगायत दैनिक उपभोग्य सामग्रीहरु सहयोग प्राप्त भएको इस्मा गाउँपालिका अध्यक्ष भगतसिंह खड्काले बताए ।

अब सामाग्रीहरुको सहयोग भन्दा पनि आवास निर्माण गर्न नगद रकम सहयोग गर्न सबै पालिकाले आग्रह गरेको छ । वर्खा लाग्ने समय ढिप्की थालेकाले वर्खा अगाबै वस्ती निर्माण गर्नका लागि नगद रकम आवश्यक पर्ने भएकाले अबको चरणमा नगद रकम सहयोग गरिदिन अध्यक्ष खड्काले आग्रह गरे ।

गाउँपालिकाले राहत र उद्धारको काम तिब्र रुपमा अगाडी बढाएको छ । आगोलागी प्रभावित क्षेत्रमा रहेका विद्यार्थीहरुको कपडा सिलाउन पालिकाले कपडा सहित गाउँमै सिलाइ दिने व्यवस्था मिलाएको छ ।

गाउँपालिकाले एक लाख दिने

अग्नी पीडितहरुको आवास निर्माणका लागि इस्मा गाउँपालिकाले एक लाख रकम उपलब्ध गराउने भएको छ । गाउँ कार्यपालिकाको बैठकले अग्नी पीडितहरुको आवास निर्माणका लागि निर्णय गरेको हो । पालिकाले निर्णय गरे अनुसार घर निर्माण प्रक्रिया अगाडी बढाइने भएको छ ।

अग्नी पीडितहरुको भत्केका संरचना हटाउन पालिकाले इच्छुक सबै नागरिकलाई श्रमदान गरेर सहयोग गर्न आग्रह गरेको छ । अग्नी पीडितहरुका लागि मौसम जन्य बिपत अन्तर्गत संघ, प्रदेश र स्थानीय तहको साझेदादारीमा जमा चार लाख पाउने छन् ।

प्रतिघर ५ लाख रुपैयामा अग्नी पीडितका आवास निर्माण हुनेछन् । अग्नी पीडितहरुले अत्यावश्यक सामाग्रीको राहत पाएसँगै अब तत्कालै बस्ने आवास निर्माण गरिदिन आग्रह गरेका छन् ।

वर्खा लाग्ने समय आउन लागेकाले छिट्टै नै आवास निर्माण गर्ने काम गरिदिन अग्नी पीडित इन्द्रबहादुर कुँवरले बताए ।

सरकारी र नीजि क्षेत्रको सहयोगबाट प्रथम चरणमा खाद्यन्न लगायतका सामाग्री सहयोग भएपनि अग्नी पीडितको मुख्य चिन्ता घर निर्माणको छ । आगेलागीबाट भत्केका संरचना हटाउने कार्य र घर निर्माणका लागि आवश्यक रहेको अग्नी पीडित घनबहादुर कुँवरले बताए ।

अहिले गर्मी र सुख्खायाम शुरु भएसँगै आगोलागीका घटनाहरु दैनिक जसो बढ्दै गएका छन् । आगोलागीबाट सबैभन्दा धेरै क्षति एउटै गाउँ सिदुङखामा, हाडीखोला, मैनडाँडामा भएको छ । आगोलागीले धेरै क्षती भएको स्थलमा नेपाल प्रहरी र नेपाली सेनाले जलेका पशु पंक्षीलाई व्यवस्थापन गर्ने कार्य गरेका छन् । आगोलागी प्रभावित नागरिकहरुको स्वास्थ्य परीक्षणका लागी स्वास्थ्यकर्मी खटिएर स्वास्थ्य जाँचको निगरानी बढाइरहेका छन् ।

आगोलागी प्रभावित क्षेत्रमा खानेपानी विद्युतको सम्पर्क टुटेको थियो । अहिले प्रभावित क्षेत्रमा खानेपानी मर्मतको काम सम्पन्न भएको छ । विद्युत सञ्चालन गर्नका लागि काम भइरहेको छ ।

त्यस्तै विभिन्न संघ संस्थाले प्रभावित क्षेत्रमा पुगेर राहत सामाग्री पुर्याउने काम गरेका छन् । पीडितलाई आधारभूत आवश्यकताका आधारमा राहात दिलाउने काम भइरहेको छ ।

जंगलसँगै बस्ती पनि आगोले सखाप बनेपछि हरियोसँगै सुकेका पनि सबै घाँस नष्ट हुँदा बाँचेका पशुचौपायलाई बचाउन समस्या छ । त्यसका लागि अनेत्र ठाउँबाट घाँस संकलन गरेर प्रभावित क्षेत्रमा लैजाने काम भइरहेको छ ।

हावाहुरीसँगै हावाहुरीकै बेगमा बस्तीमा पसेको आगोले आफ्नै आँखा अगाडी सबै सखाप पार्दा आगलागी घटनास्थलका नागरिकमा ठूलो चोट पुगेको छ । घरमा भएको सबै श्रीसम्पति जलेर सकिदा नागरिक सबै गुमेपछि पिडामा छन् ।