गुल्मीको बडीगाड खोलामा महिलाको बेवारिसे शव फेला 

गुल्मी, २७ साउन । गुल्मीको बडीगाड खोलामा एक महिलाको बेवारिसे अबस्थामा शव फेला परेको छ । जिल्लाको चन्द्रकोट गाउँपालिका‐८ अन्तरगत बडिगाड खोलामा अन्दाजी ५०÷५५ बर्षकोे महिलाको शव फेला परेको जिल्ला प्रहरी कार्यालय गुल्मीले जनाएको छ ।

स्थानीयहरुले खोलाको बीच भागमा शव देखेपछि प्रहरीमा खबर गरेका थिए । पहाडीमुुलकी जस्तो देखिने उक्त शव खोलामा घोप्टो परेको र नग्न अबस्थामा फोला परेको जिल्ला प्रहरी कार्यालय गुल्मीका प्रहरी निरिक्षक रामकुमार केसीले जानकारी दिनुभएको छ । घटनाको जानकारी पाएपछि जिल्ला प्रहरी कार्यालय तम्घासबाट प्रहरी निरिक्षक केसीको नेतृत्वमा जनपथ र ससस्त्र सहितको टोली घटना स्थल पुगेको छ ।

शवको पहिचानका लागि स्थानीय पालिका र बाग्लुङ् स्थीत छिमेकी पालीका र प्रशासनलाई सूचना प्रबाह गरिएको बताईएको छ । घटनाको बारेमा थप अनुषन्धान भईरहेको प्रहरीले जनाएको छ ।