गुल्मीमा माध्यमिक विद्यालय स्तरीय क्रिकेट प्रतियोगिता सुरु

admin

२०८१ पुष १७ गते, बुधबार ०८:०६ मा प्रकाशित

अनिल खत्री

१६ पुस, गुल्मी । गुल्मी जिल्लामा अन्तर माध्यमिक विद्यालय स्तरीय क्रिकेट प्रतियोगिता सुरु भएको छ । खुकुरी युथ क्लब तम्घास गुल्मीको आयोजनामा आजदेखि २० गतेसम्म प्रथम खुकुरी क्रिकेट कप २०८१ सुरु भएको हो ।

खेलको जिल्ला समन्वय समिति गुल्मीका प्रमुख द्रोर्ण खत्रीले शुभारम्भ गरेका हुन् । खेलको शुभारम्भ गर्दै समन्वय समिति प्रमुख खत्रीले पछिल्लो समय खेल क्षेत्रमा नेपाल ठूलो प्रगति गर्दै गएको बताए ।

उनले अहिलेका साना विद्यार्थीहरुले खेल क्षेत्रमा प्रवेश गर्दा भविश्यमा ठूला खेलाडी यहि मध्येबाट बन्ने भएकाले पढाईसँगै खेलको विकास हुन जरुरी रहेको उल्लेख गरे । उनले पछिल्लो समय गुल्मी जिल्लाले पनि राष्ट्रिय खेलाडी उत्पादन गर्दै गएको बताए ।

 क्लबको दोस्रो वार्षिकोत्सबको अवसरमा प्रथम खुकुरी क्रिकेट कप सुरु गरिएको क्लबका सचिव निशान टण्डनले बताए । पाँच दिनसम्म चिदिचौर खेल मैदानमा सुरु भएको प्रतियोगितामा १२ वटा विद्यालयले सहभागीता जनाएका छन् ।

प्रतियोगितामा प्रथम हुनेले २२हजार २२२ रुपैयाँ मेडल प्रमाणपत्र पाउने छन् । द्दितिय हुने प्रतियोगिले ११ हजार १११ रुपैयाँ पाउने सचिव टण्डनले बताए ।

खेल आइसिसि का नियम अनुसार हुने आयोजकले जनाएको छ । पछिल्लो समय जिल्लामा विभिन्न क्लबहरुले खेलकुदका कार्यक्रमहरु गर्दै आइरहेका छन् ।

सदरमुकाम तम्घासमा झण्डै आदा दर्जन बढी क्लबहरुले सक्रिय रुपमा विभिन्न खेलकुदका कार्यक्रमहरु गर्ने गरेका छन् । जसले गर्दा तम्घास बजारमा चहलपहल समेत बढने गरेको छ ।