बैकुण्ठको ‘दुनियाँ जहर छ’ बोलको गीत बजारमा

गुल्मी, २५ कात्तिक । गुल्मीको मुसिकोट नगरपालिका निवासी हाल एनआरएनए चेक रिपब्लिकका अध्यक्ष बैकुण्ठ रायमाझीको ‘दुनियाँ जहर छ’ बोलको नयाँ गीतले हालै बजारमा आएको छ ।

गीत सार्वजनिक भएको केही समयमै ‘दुनियाँ जहर छ’ बोलको गीतले नेपाली सांगीतिक बजार तताएको छ । प्रेमिल, रस र रंगबीचको छेदनपछि देखिएका उतारचढावलाई गीतको शब्द र अभिनयका माध्यमबाट कलाकारहरुले वर्तमान समाज र बास्तविक यथार्थताको चित्रण गरिएको पाईन्छ ।

नेपाली सांगीतिक क्षेत्रका अब्बल हस्ती मिन विश्वकर्माको ‘दुनियाँ स्वार्थी छ’ बोलको गीत नेपाली सांगीतिक बजारमा छाएसँगै यस गीतका दर्शक र स्रोताहरुले बडो चाखपूर्ण र सुन्दर प्रस्तुतिका रुपमा मनपराई रहेकाछन् । गीतमा मिन विश्वकर्माको स्वर र बैकुण्ठ रायमाझीको शब्द र संगित रहेको छ ।

कृष्ण विके भान्जाको एरेन्ज रहेको गीतमा श्यामश्वत रसाइलीले गीत मिक्सीङ गरेका छन् । भिडियोमा चर्चित मोडल ओबी रायमाझी र कविता नेपालीको उत्कृष्ट अभिनयसँगै बैकुण्ठ रायमाझी, सरु बिष्ट र विवेक काफ्लेको बेजोड अभिनय देख्न सकिन्छ ।

सिर्जन बराल (ऋषि) को निर्देशन, चक्रबी बरालको कोरियोग्राफर रहेको म्युजिक भिडियोलाई अमृत चापागाईको सम्पादन रहेको छ । यो गीत युटुवमा सार्वजनिक भएको छोटो समयमै थुप्रै स्रोताहरुको मनमनमा बस्न सफल भएको छ ।